Safe Spaces Act Primer (R.A. No. 11313)

Ambag ng UP Diliman Gender Office ang Safe Spaces Act Primer sa Pride Month 20201 ngayong buwan ng Hunyo. Sa paglimbag nito, nawa’y mapalaganap natin ang mga karapatan at mabigyan ng kaalaman ang kalakhan tungkol sa batas na ito para tuluyan nang mawakasan ang mga karahasang nakabatay sa kasarian.

Maaaring maakses ang primer sa link na ito: SSA Primer

#SamaAllPantayall: LGBTQIA++ sa Panahon ng Krisis

Sa pagbubukas ng isang buwang pagdiriwang ng UP Diliman Pride 2021 na may temang “Sama All, Pantay All: Sumusulong, Yumayabong ang Pride sa Panahon ng Pandemya,” nais namin kayong imbitahan sa #SamaAllPantayall: LGBTQIA++ sa Panahon ng Krisis. Ito ay isang webinar na tatalakay sa kasalukuyang kalagayan ng LGBTQIA++ community sa panahon ng krisis.
Makakasama natin sina Rep. Arlene Brosas (GABRIELA Women’s Partylist) Gabriela Women’s Party para sa SOGIE Equality Bill;
Dr. Ame Lopez, (Region 2 Trauma and Medical Center) para sa Kalusugan ng mga LGBTQIA++;
at Atty. Faith Sadicon (OutRight International) para sa pakikilahok ng LGBTQIA++ sa komunidad sa panahon ng pandemya.
Kitakits sa 1 Hunyo, 2021 (2:00 – 4:00 nh). Abangan ang link kung paano makakapag-register sa webinar ito.
MakiBeki! ‘Wag Mashokot!
Illustration by CJ Reynaldo Caldatelier
Maaaring panoorin ang LIVE video sa link na ito:

Pride Month 2021: Sama All, Pantay All–Sumusulong, Yumayabong ang Pride sa Panahon ng Pandemya

Sa pagpasok natin sa Buwan ng Pride ay napaalalahanan tayo kung bakit nagpapatuloy ang pakikibaka para sa pagkakapantay-pantay. Malinaw na HATE CRIMES o krimeng dulot ng pagkamuhi ang sinapit ng dalawa nating kasamahan, at sa karumal-dumal na mga pamamaraang ito’y nasaksihan muli natin ang mga ‘di makataong gawi ng patriyarkiya. Habang nakikidalamhati tayo sa lahat ng kaanak at kaibigan nina Ebeng Mayor at Junjie Bangkiao, hindi natitinag ang ating pagsulong para sa hustisya at sa tuluyang pagwawaksi sa diskriminasyon at karahasan na dinaranas ng komunidad ng LGBTQIA++. Salamin din ang mga pagpaslang na ito sa kasalukuyang pagkakabinbin ng SOGIE Equality Bill sa pamahalaan, at ang mas malawakang sitwasyon ng lipunang patriyarkal kung saan laganap pa rin ang panghahamak nang batay sa kasarian o seksuwalidad sa iba-ibang anyo at pamamaraan.
Kaya naman nagpapatuloy ang Unibersidad ng Pilipinas Diliman sa pagyabong at pagsulong ng #UPDPride2021 sa tema nitong “SAMA ALL, PANTAY ALL: Sumusulong at Yumayabong ang Pride sa Panahon ng Pandemya”! Maging bahagi ng pakikibaka at pagdiriwang, bilang pakikiisa sa ating minimithiing pagkakapantay-pantay.
Abangan sa mga susunod na araw ang mga aktibidad at programa ng UP Diliman para sa Buwan ng Pride!
MAKIBEKI, HUWAG MASHOKOT!
Illustration by CJ Reynaldo Caldatelier

IDAHOBit Snatch Game: Bahaghari Edition

Sa pakikipag-ugnayan ng Bahaghari at ng UP Diliman Gender Office, inilunsad ang IDAHOBit Snatch Game: Bahaghari Edition noong ika-7 ng Mayo 2021, bilang pakikiisa sa pagdiriwang ng IDAHOBit 2021.
Maaaring tunghayan ang naganap na LIVE Facebook Streaming sa link na ito.
#IDAHOBIT2021

Panawagan sa paglahok: Breastfeeding Survey

SURVEY: Pag-aaral hinggil sa sitwasyon ng mga dati at kasalukuyang nagpapasusong ina (breastfeeding mothers) na empleyado, REPS at fakulti sa UP Diliman
Layunin ng pag-aaral na ito na siyasatin ang dati at kasalukuyang sitwasyon ng mga nagpapasusong ina na empleyado, REPS at fakulti ng UP Diliman bago pa man dumating ang pandemya, hanggang sa kasalukuyan. Nais matukoy ng pag-aaral kung papaano hinaharap ng mga nabanggit ang dati at kasalukuyang sitwasyon, ano ang mga naging tugon ng kani-kaniyang mga pamilya, opisina, ng Unibersidad, at kung ano ang nakikita nilang mga maaari pang pagbutihin bilang suporta sa kanilang pangangailangan. Sisikapin ng pag-aaral na itong bumuo ng rekomendasyon na ihahapag sa mga opisinang mayroong kinalaman sa kalagayang nabanggit.
Masasagutan ang survey sa loob ng 15-20 minuto. Maaaring lumahok sa survey na ito ang mga dati o kasalukuyang breastfeeding mothers/nagpapasusong ina, pati na rin ang mga kasalukuyang nagbubuntis/expectant mothers na kawani, REPS o fakulti ng UP Diliman.
Sakaling hindi naman pasok sa mga nabanggit, maaari ninyong i-refer ito sa mga kakilalang kaopisina/kasama sa yunit/kolehiyo ng UP Diliman na breastfeeding/nagpapasuso, dating nakaranas ng breastfeeding/pagpapasuso, at nagbubuntis/expectant mothers.
Para sa mga nais lumahok, narito ang link ng survey. https://docs.google.com/…/1FAIpQLSeEwC9GLICt5f…/viewform

Maraming salamat!