Ang Panauhing Tagapagsalita para sa Parangal 2022 ay si Lovelaine Basillote, ang Executive Director ng Philippine Business for Education, isang grupong non-profit na itinayo noong 2006 bilang tugon ng komunidad ng mga pinunong negosyante sa Pilipinas sa pangangailangan na magkaroon ng mas malawak at epektibong edukasyon at paghahanay nito sa mga kahingiang pang-ekonimiya ng bansa. Ang grupo ay nag-aambag sa usaping pang-edukasyon sa pamamagitan ng mga inobatibong interbensyon at pananaliksik na may kinalaman sa polisiya sa edukasyon.
